Nace “RIO MINHO”, unha marca de identidade para o territorio transfronteirizo.

“Un río, dous países, grandes experiencias” é o lema elixido para acompañar a imaxe da nova marca “Rio Minho”, un selo de indentidade para o territorio transfronteirizo.

A marca “Rio Minho”, froito dun rigoroso estudo, é un produto contemplado no proxecto Visit Rio Minho para potenciar a visibilidade do territorio transfronteirizo do río Miño como destino ecoturístico de calidade, así como para incentivar a súa preservación e valorización.

A presetación pública da marca tivo lugar no Parador de Tui e contou coa presenza da presidenta da Deputación de Pontevedra, Carmela Silva; do vice director do AECT Rio Minho, João Fernando Brito Nogueira; e o director da AECT Rio Minho e deputado de Cooperación Transfronteiriza da Deputación de Pontevedra, Uxío Benítez.

 

App con información turística do río Miño

Na marca do proxecto Visit Rio Minho estase traballar na creación dunha aplicación móbil con información sobre rutas de sendeirismo, camiños peonís e puntos de interese xeolocalizados do río Miño transfronteirizo, co obxectivo de potenciar o coñecemento da extensa e variada oferta turística da rexión.

A App, que se está a desenvolver en galego, portugués e español que contará cunha audioguía, estará dispoñible gratuitamente nos sistemas de iOs e Android.

 

A rede de sendeiros transfronteirizos do río Miño, un dos maiores atractivos do territorio

Unha das accións máis relevantes do Visit Rio Minho é a posta en valor e acondicionamento da rede de sendeiros verdes do Río Miño Transfronteirizo: máis dun cento de quilómetros de rutas de diferentes tipos e dificultades, enmarcadas nun entorno de gran valor natural e medioambientalmente protexido.

A través do proxecto estanse a realizar pequenas actuacións dirixidas a mellorar as condicións de varias tramas de sendeiros, como a conexión de dúas rutas que desembocan na praia guardesa de O muíño, ou a proxección de obras de acondicionamento en Crecente, Arbo, As Neves e O Rosal. Tamén se contemplan actuacións de mellora nos parques de Castelinho en Vila Nova de Cerveira e do Espazo Fortaleza en Tomiño.

Visit Rio Minho achégase a Badaxoz para dar a coñecer a marca Rio Minho na 30ª edición da feira Fehispor

O evento celebra este ano a súa 30ª edición coa presenza de máis de 200 marcas O proxecto Visit Rio Minho, confinanciado nun 75 % polo Fondo Europeo de Desenvolvemento Rexional (FEDER) no marco da convocatoria de axudas do Programa de Cooperación Territorial Interreg V-A España-Portugal (POCTEP) 2014-2020, participará na 30ª edición da Feira Hispanoportuguesa [...]

Alumnos de Turismo do IPVC visitan o territorio Transfronteirizo

50 alumnos do curso de Turismo do Instituto Politécnico de Viana de Castelo e os seus profesores visitaron o territorio transfronteirizo o pasado día 13 de novembro, co obxectivo de coñecer o proxecto Visit Rio Minho e experimentar un precurso transfronteirizo. Foron recibidos pola AECT Rio Minho e a CM de Valença no posto de [...]

O AECT Rio Minho creará un foro estable de gastronomía e turismo que reúna ao sector privado e aos axentes públicos para impulsar a marca Rio Minho

Uxío Benítez salientou "a importancia de traballar de xeito conxunto para ofrecermos un produto máis completo e mostrar ao mundo todo o que temos de bo no noso territorio" O director do AECT Rio Minho, Uxío Benítez, participou na inauguración da I Xornada de Gastronomía do Rio Minho, celebrada en Caminha, nun acto no que estivo [...]